தமிழ்நாடு மின்வாரிய தேசிய முற்போக்கு தொழிலாளர் சங்கம்

பொங்கல் பண்டிகை விடுமுறை: அபராதமின்றி மின் கட்டணம் செலுத்த 2 நாள் கூடுதல் அவகாசம்

சென்னை, ஜன. 18–தற்போது வீடுகள் மற்றும் வணிக நிறுவனங்களில் மின் கட்டணம் செலுத்துவதற்கு மின்சார மீட்டர்களில் ரீடிங் எடுத்த நாளில் இருந்து 20 நாட்கள் கால அவகாசம் அளிக்கப்படுகிறது.அதன்பிறகு மின் கட்டணத்தை செலுத்துவோருக்கு அபராதம் விதிக்கப்படுகிறது. அவர்கள் அபராத தொகையுடன் மின் கட்டணத்தை செலுத்த வேண்டும்.தற்போது பொங்கல் பண்டிகையையொட்டி கடந்த 15–ந்தேதி முதல் இன்று (18–ந்தேதி) வரை தொடர்ச்சியாக விடுமுறை அளிக்கப்பட்டுள்ளது.இதையடுத்து மின் கட்டணம் செலுத்த முடியாமல் அவதிப்படும் பொது மக்களின் வசதிக்காக கூடுதலாக 2 நாட்கள் அவகாசம் நீடிக்கப்பட்டுள்ளது.கடந்த 15–ந்தேதி முதல் இன்றுவரை மின் கட்டணம் செலுத்துவதற்கான 20 நாட்கள் அவகாசம் முடிந்தவர்கள் நாளை (19–ந்தேதி)யும், 20–ந்தேதியும் எந்தவித அபராதமும் இன்றி மின் கட்டணம் செலுத்த கால அவகாசம் நீட்டிக்கப்பட்டுள்ளது.இந்த தகவலை மின்சார வாரியம் தெரிவித்துள்ளது.